إزاي تتفق على الراتب ؟!

أصعب ‫سؤال‬ في أي ‫#‏إنترفيو‬ هو ‫#‏عاوز_راتب_كام‬؟
و دي بتكون من أكتر اللحظات الحساسة في الإنترفيو.. لأنك مابتكونش عاوز تبين إنك شخص مادي و في نفس الوقت مش عاوز يتضحك عليك أو تاخد راتب قليل..

طيب هو انت لما بتقدم في شركة.. المفروض اللي بيعمل معاك الإنترفيو هو اللي يقولك على الراتب و لا هو اللي هايسألك انت عاوز كام..؟
بص يا سيدي الفاضل.. في الشركات الكبيرة غالباً بيكون عندهم لائحة بالرواتب مافيهاش كلام.. يعني خريج دفعة كذا بياخد كذا و بالتالي هو مش هايفاصلك في الراتب، إنت لو قبلت في الإنترفيو هايقولك على الـOffer بتاع الشركة و ليك مطلق الحرية انك تقبل أو ترفض، بس أغلب الشركات المتوسطة و الصغيرة مابتعملش كدة.. يعني موضوع الرواتب ده بيمشي بالحب، تقدر تقول كدة تفاوض مع الزبون اللي هو انت.. فصاحب الشغل غالباً هايسألك انت عاوز راتب كام؟ أو متوقع تقبض كام؟ أو تقدر نفسك بكام؟
و دي تحديداً بتبقى أكتر لحظة محرجة في أي انترفيو.. و انت و شطارتك بقى في إنك تعدي منها

طبعاً إنت بتكون ماصدقت أصلاً إن فيه شركة كلمتك و روحت تعمل إنترفيو.. و أمنية حياتك دلوقتي هي إنك تقبل في الشغلانة دي..
فانت بتكون ما بين نارين.. خايف تطلب راتب كبير فالشغلانة تطير منك و تروح لحد تاني هايطلب أقل منك.. و في نفس الوقت برضه مش عاوز تقول رقم قليل و ترخص نفسك و تكتشف بعد كدة إن انت اتضحك عليك و كان المفروض تطلب أكتر من كدة..
هي دي بقى المعادلة الصعبة..!!!

طب ‫#‏إيه_التصرف_الصح‬....؟

لازم تبقى عارف يا باشمهندس "سعرك في السوق" كام.. يعني المهندسين دفعتك و اللي بنفس إمكانياتك و مؤهلاتك تقريباً متوسط رواتبهم كام..
طب و دي بقى نعرفها منين....؟
إتقل طيب و كمل قرايه البوست... 

بالنسبة للشغل جوة مصر.. المهندس حديث التخرج دفعة 2015 المفروض بأي حال من الأحوال راتبه مايقلش عن من 1500ج لـ 2000ج كحد أدنى

كل دفعة أقدم بتزيد على الأقل 500ج.. يعني خريج 2014 المفروض ياخد على الأقل من 2000 إلى 2500 و خريج 2013 ياخد من 2500 إلىى 3000 و خريج 2012 ياخد من 3000 إلى 3500 و خريج 2011 ياخد من 3500 إلى 4000 ج ...... إلخ 
و الأرقام دي قابلة للزيادة و بتعتمد على حاجات كتير منها طبيعة الشغل و حجم الشركة.. و إمكانياتك و مؤهلاتك و خبراتك و الكورسات و البرامج اللي معاك.... إلخ

طبعاً أنا عارف و متأكد و أنا باكتب الكلام ده إن بعض المهندسين ممكن يكونوا شايفين كلامي ده فيه شيء من المبالغة.. و إن الرواتب دي مش موجودة على أرض الواقع، بس أحب أرد عليكوا و أقولكوا.... (لأ) إنتوا غلطانين.. الرواتب دي موجودة بالفعل، و أنا شخصياً أعرف مهندسين متخرجين دفعة 2014 و شغالين جوه مصر و راتبهم يعدي الـ3500ج ، بس للأسف إنتوا اللي مش عارفين قيمتكوا، و أغلب المهندسين بيرخصوا نفسهم و بيتهاونوا في حقوقهم.. و أغلب أصحاب الشركات بيستغلوا النقطة دي لصالحهم.
أحب كمان أقوللكوا إن فرد الأمن النهاردة أو عامل النظافة.. اللي غالباً بيكون مامعهوش مؤهل أو بالكتير إعدادية.. راتبه مابيقلش عن 1500ج
فماينفعش تبقى مهندس و اتعذبت 5 سنين في الكلية و أهلك صرفوا عليك دم قلبهم عشان يشوفوك مهندس و يفرحوا بيك و في الآخر تقبل براتب 800ج و لا 1000ج و الأرقام اللي بنسمعها دي!
هاتقوللي يا بشمهندس.. ماهو ده اللي موجود قدامنا.. يعني نقعد في البيت من غير شغل؟ هاقولك لأ طبعاً.. بس إنت لو عرفت قيمتك و عرفت تتفاوض صح على الراتب هاتعرف تاخد راتب كويس.

طيب خد عندك كدة شوية النصايح اللي هاقولك عليها دي و حطها حلقة في ودانك:

لما المدير يسألك.. عاوز راتب كام؟ اعمل محاولة كدة إنك تتهرب من السؤال و ترمي الكورة في ملعبه هوه ...... إزاااااااااي؟

هاترد عليه بكل لباقه و شياكة و هاتقوله: "الصراحة مش المفروض إن أنا اللي أقيم نفسي.. إنتوا شركة كبيرة و أكيد ليكوا اللايحة اللي بتحدد الرواتب، و أفضل لو حضرتك اللي تقوللي العرض المادي بتاع الشركة و أنا لو يناسبني هاوافق و لو مش مناسب هاعتذر"
كدة يا معلم انت يبقى عملت معاه السليمه و حطيته في خانة اليك و هايضطر هو اللي يقولك على الراتب مش العكس.. بس هو بقى ممكن يطلع أنصح مني و منك و يردهالك تاني و يقولك.. لأ لازم انت اللي تقول تقبل براتب كام أو تقدر نفسك بكام.. أو يعمل حاجة أسهل من كدة و يخليه سؤال إجباري في الأبليكيشن اللي هاتملاها قبل الإنترفيو..
طبعاً في الحالة دي مافيش مفر من إنك تطلب رقم محدد، بس خلي بالك كويس قوي (ماترخصش نفسك) و لازم تطلب أكتر من الرقم اللي انت عاوزة بشويه عشان تسيب مجال للتفاوض (الفصال).. أيوه زي ماقريتها كدة صح‫#‏الفصااااااال‬ ... عشان هو هايفاصلك و يساومك على الراتب عشان يديلك أقل راتب ممكن كأنه بيشتري طماطم من السوق، و لو يطول إنه يشغلك ببلاش هايشغلك.

يعني لو انت مثلاً خريج دفعة 2014 و هاتشتغل مهندس موقع و عاوز تقبض 2000 ج و هو سألك على الراتب اللي انت عاوزة.. انت طبعاً مش هاتقوله 2000، هاتقوله 2500ج مثلاً عشان هو هايقولك كتير و الحوارات اللي انتوا عارفينها دي لحد ما في الآخر ترسى على الرقم اللي انت عاوزة.

دلوقتي بقى هاقولك على ‫#‏5_خدع_شيطانية‬ بيعملهم أصحاب الشركات عشان يضحكوا على الشباب الغلابه اللي زي حالاتكوا..

‫#‏الخدعة_الأولى‬ (التثبيت)
=================

و دي من الخدع المشهورة و اللي بتحصل كتير... هايقولك طب يا هندسة.. إنت هاتشتغل معانا أول 3 شهور (فترة إختبار) براتب قليل، و في نهاية الـ3 شهور دول هانعملك إعادة تقييم و نديلك الراتب اللي انت عاوزة (كداااااااااب)
و انت عشان طيب فهاتوافق طبعاً و تقوله Deal
لأ يا معلم.. استنى لما ارسيك ع الحوار انت مش تلميذ.. الراجل ده كدة بيثبتك عشان توافق و غالباً مش هايزودك ولا حاجة ده كلام فض مجالس بس عشان يجر رجلك و بعد كدة هايبقى يتبع معاك سياسة النفس الطويل..
و عشان ماتقعش في الخدعة دي أنسب رد تقولهوله.. هو إنه يديلك الراتب اللي انت طالبه و لو شغلك ماعجبهوش في فترة الإختبار يبقى يمشيك خالص من الشركة

‫#‏الخدعة_التانية‬ (التسويــف)
=================

و هي إنه يأجل الإتفاق على الراتب لحد مايشوف شغلك الأول.. و ده طبعاً ماتوافقش عليه عشان بعد كدة انت اللي صباعك هايبقى تحت ضرسه و هاتندم و خليك فاكر دايماً إن اللي أوله شرط آخره نور

‫#‏الخدعة_التالتة‬ (الإشتغاله)
=================

و هي إنه يوافق على الراتب اللي انت هاتطلبه و تيجي تقبض آخر الشهر تلاقي الراتب ناقص 400ج مثلاً.. تروح تشتكي للمحاسب إن الراتب ناقص و مش ده الرقم اللي انت متفق عليه فالمحاسب يقولك لأ يا بشمهندس أصل الراتب اللي انت اتفقت عليه ده بيتخصم منه ضرايب و تأمينات، فطبعاً عشان ماتقعش في الخدعة دي فلازم وانت بتتفق على الراتب تعرف الراتب ده Net Salary ولا Gross Salary

‫#‏الخدعة_الرابعة‬ (الفخ)
=================

يعني حضرتك هاتتفق على الراتب اللي انت عاوزة و بعد ماتشتغل تكتشف إنك بتصرف نصه على المواصلات عشان مافيش عربيه للشركة و مكالمات التليفون بتاعت الشغل عشان هما ماادولكش خط موبايل و إقامه و أكل و شرب في الموقع عشان مافيش مستلزمات معيشيه مناسبة و إنك بتمشي بعد مواعيد العمل الرسمية بـ3 أو 4 ساعات بدون مقابل، و إن أي يوم تاخده أجازة يتخصم من مرتبك فلوس..
و عشان ماتقعش في الخدعة دي يبقى انت المفروض قبل ماتتفق على الراتب تستفسر عن الإنتقالات و البدلات و مكالمات الموبايل و السهرات و الأجازات و الإضافي و خلافه

‫#‏الخدعة_الخامسة‬ (كلام_الليل)
===================

عارف انت المثل بتاع عشمتني بالحلق خرمت أنا وداني.. أهو ده اللي هايحصل معاك بالظبط.. هايتفق معاك على راتب قليل و يوعدك و يعشمك بأي كلام في رغيف.. زي مثلاً إنه كل 3 شهور فيه Bonus بيتصرف للموظفين، أو إن فيه مكافآت و حوافز و أرباح و دلع.. و طبعاً كل ده ولا هاتشوف منه حاجة
الخدعة دي اتهرست في 100 انترفيو قبل كدة و عشان ماتقعش فيها يا معلم يبقى انت أهم حاجة تركز عليها هي الراتب الشهري الثابت، أما الحاجات التانية دي لو جت يبقى خير.. لو ماجتش إنت ليك مرتبك آخر الشهر اللي انت متفق عليه.

إزاى تدور على شغل

موضوع إنك إزاى تدور على شغل وتقدم على وظيفة اتكتب عنه كتير, بس برضه لسة ناس كتيرة بتدور ومش لاقية.
زى مانت بتدور على شغل, الشركات برضه بتدور على موظفين "وماحدش يقول البلد مافهاش شغل"
الفكرة بقى إن لازم يبقى فيه مكان الطرفين يتقابلوا فيه "الشركة و المتقدم للوظيفة"
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
نتكلم الأول من وجهة نظر الشركة عشان افهم هما بيدوروا على إيه
الشركات بتعين ليه:
1-للتوسع فبالتالى محتاجة موظفين أكتر "وده مؤشر كويس عن العمل فى الشركة دى"
2-لأن معدل دوران العمالة عالى "Turnover”
وده ممكن يكون على الشركة كلها "وده يدى مؤشر إن الشركة بيئة عمل طاردة للموظفين"
أوعلى وظيفة أو إدارة معينة "وده يدى مؤشر إن الوظيفة دى بتموت الموظف" وأشهرها خدمة العملاء والمبيعات "فى بعض الشركات مش كلها – وعلى حسب الصناعة إللى بتشتغل فيها أو تخصصها"
3-الشركة حصلها دمج, استحواذ أو إعادة هيكلة "وده مؤشر إن الشركة ناوية تطور"
4-شركات جديدة لسة بتبدأ وهنا الشركة بيبقى عندها حل من اتنين
(لو شركة معاها فلوس هاتجيب ناس خبرة, أو لو شركة ناشئة ومعاهاش فلوس هنا بتدور على فريق يكون عايز يتعلم ويدى فى الشغل ويعمل أكتر من حاجة فابتدور على طلبة أو حديثى التخرج)
طب هى الشركات بتدور على ناس عاملة إزاى:
أنا مقتنع إن كل حاجة وليها زبونها, كذلك كل وظيفة وليها الشخص المناسب ليها
الوظيفة دى عاملة زى البدلة, لازم لما تلبسها تبقى على قدك بالظبط ولا أكبر منك ولا إنت أكبر منها
"عشان كدة ممكن نلاقى واحد امكانياته عالية جدا بالنسبة لوظيفة ومايتقبلش فيها
"Over Qualified Candidate
متطلبات الوظيفة بتنقسم لـ 3 حاجات
KSA
المعرفة Knowledge
المهارات Skills
السلوك والمؤهلات الشخصية Attitude
طب هى الشركة هتقابلنى ازاى
ببساطة هى محتاجة تطلع على متطلبات الوظيفة هلى هى عندك ولا لأ
فالأول بتبقى محتاجة السي فى بتاعك "السيرة الذاتية" أو ممكن تخليك تملى إستمارة توظيف "ممكن تبقى أون لاين عادى" – وهنتكلم عن إيه الفرق مابينهم, أو البروفايل بتاعك إللى بيعادل السى فى,عشان تقرر تكلمك وتبدأ مرحلة الاختيار أو لأ
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
طب الشركات بتدور على المتقدمين للوظائف فين
1-مع تطور التكنولوجيا والإنترنت وكل الناس مع إختلاف أعمارهم وتخصصاتهم بيقعدوا على الإنترنت
هنا قسمت البحث عن طريق الإنترنت لحاجتين
أ-السوشيال ميديا وأشهرها 
Facebook
(لكل التخصصات ومستويات الخبرة – بس نسبة الناس إللى خبراتها صغيرة أكبر من إللى خبراتهم عالية خصوصا فى المستويات الإدارية العليا"
Linkedin
(للمحترفين والمتخصصين أكتر – نسبة الناس غللى خبراتها كبيرة حتى أعلى المناصب موجودة بنسبة أكبر)
ب-مواقع التوظيف الإلكترونى 
2-الترشيحات (ودى من أقوى طرق الاستقطاب) 
3-شركات التوظيف
4-ملتقىات التوظيف
5-الجامعات
6-المجلات والجرايد "ودى أنا شايف إنها راحت عليها إلا فى بعض الحدود"
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
نيجي بقى للمتقدمين للوظائف
حضرتك بتدور على شغل ليه:
1-عشان مصدر دخل
2-عشان مجال انت حابه ونفسك تشتغل فيه
3- 1 و 2 مع بعض
4-عشان شغال ومحتاج (تترقى, مرتب أعلى, تخلع مالمكان إللى انت فيه, أو تخلع من مديرك إللى قارفك)
5-تحدى جديد بالنسبالك وخبرة أكتر
طب لما تدور, تدور على وظيفة ولا شركة؟
على حسب
لو انت لسة بتبتدى الكارير, ارشق فى وظيفة تاخد منها خبرة وكمان مرتب تصرف بيه على نفسك وتطور من نفسك
ونصيحة من دلوقتى مش معنى انك لقيت شغل يبقى تبطل تتعلم, حتى لو الشركة مش بتعلمك لأنك هتتحول لوظف حكومة وبعد كدة يوم ما تفكر تعلى أو تنقل لمكان أكبر مش هياخدوك
فيه ناس ابتدوا فى وظائف وقعدوا فيها 10 سنين, وكمان مش كلهم يعتبر عندوا خبرة 10 سنين, إنما خبرة سنة ومتكررة 9 مرات
لو انت خبرتك متوسطة حاول ترشق فى شركة محترمة عشان تتعلم فيها وتاخد خبرة ومنها هاتعرف تنقل جواها لوظائف كتير بس برضه ماتكونش داخل الشركة سكة وخلاص, مش هياخدوك لازم تبقى مهتم بالشركة مع الوظيفة
لو انت خبرتك عالية دور على المكان إللى انت تضيفله أكتر ما يضيفلك لأنك فى الفترة دى هاتكون بتدور على الإستقرار أكتر ولو انت مش هاتضيف للمكان مش هايبقوا عليك
اختار الشركة ازاى
أحسن شركات تشتغل فيها هى رقم 1 و 3
و 4 للطلبة واللى لسة متخرجين
رقم 2 هى اللى الناس اللى مش شغالة على نفسها بتشتغل فيها لأن الاتنين بيقبلوا بعض على نظام "حاجة تسد خان" سواء موظف أو وظيفة
قبل ما اقولك هتعرض نفسك على الشركات ازاى,أو تقابلهم فى أى مكان اللى اتكلمنا عليه فوق, لازم الأول تبقى عامل سي فى محترم يدل إنك شخص محترف حتى لو لسة ماشتغلتش
ومش بس كدة: السي فى لازم يبقى فيه المتطلبات الوظيفية اللى بيدوروا عليها
لأنك لو شخص كويس بس مش مناسب للوظيفة مش هايكلموك
السي فى بيتكتب ازاى:
1-لأصحاب الخبرة
اعمل ملخص لنفسك وحدد الهدف (الوظيفة أو المجال) إللى حابب تنضمله
اعمل لنفسك ملخص لمهاراتك وكفائاتك إللى اكتسبتها من واقع خبراتك "مش من تأليفك"
اكتب خبراتك (من الأحدث للأقدم) وحاول تشرح مهامك الوظيفية
ملحوظة "لو السيفي هايكبر أو يزيد عن 4-5 ورقات بالكتير مش شرط تكتب المهام الوظيفية للوظائف اللى اشتغلتها أول ما ابتديت أو اللى ملهاش علاقة بالمجال اللى انت فيه حاليا"
حاول تظهر مدى تقدمك الوظيفى والمهام والمسئوليات الزيادة اللى بتاخدها وأهم حاجة انجازاتك اللى عندك ليها دليل
وتكتب ايه التدريبات اللى اخدتخا والدرجات العلمية
2-للطلبة وحديثى التخرج
اعمل ملخص لنفسك وحدد الهدف (الوظيفة أو المجال) إللى حابب تنضمله
اكتب المؤهل الدراسى بتاعك والدورات التدريبية اللى اخدتها
حاجة مهمة جدا: الأنشطة اللى مشترك فيها زى الأنشطة الطلابية لأنها بتعادل خبرة فى السي فى وبرضه لو فيه انجازات عملتها وعندك ليها دليل
الفورمة تكون سيمبل وبروفيشنال, وماتكتبش اللون الأحمر أو خط بولد "عريض" كتير فى السي في
مش شرط تحط صورة إلا لو الشركة طالباه فى الإعلان الوظيفى, والصورة تكون بروفيشنال مش صورة سيلفى أو فى فرح أو الجو ده
يفضل صورة بخلفية بيضا زى صورة الباسبور- والإيميل اللى تكتبه مايكونش فيه دلع زى ميدو وسوسو والجو ده
السي فى بتاعك عامل زى كراسة إجابة امتحان الكلية, ممكن من إجابة سؤال تاخد تقدير أو تشيل المادة
فصل سيفيهك على حسب متطلبات الوظيفة, بس ولا تبخل على نفسك وماتكتبش كل المعلومات, و ولا تألف وتزود فى حاجات من عندك
ونصيحة: ما تقدمش فى وظيفة انت مش متماشى مع متطلباتها.
اعمل بروفايل على المواقع اللى قلنا عليها وتكون نسخة مالسي فى عشان ممكن حد يصطادك عليها.
طب هقابل الشركات ازاى أو اقدم ازاى
نيجى للأمكان اللى الشركات بندور فيها ونعمل الاتى:
1-الانترنت
Facebook
تشترك فى جروبات التوظيف وصفحات التوظيف
Linkedin
اعمل بروفايل معبر واختار صورة معبرة عنك وبرضه ماتكونش صورة فيس بوك
اكتب ملخص محترم ويشدنى انى اكلمك
اعمل شبكة علاقات من موظفين التوظيف و HR
اعمل فولو للشركات وتابع وظايفها
مواقع التوظيف الإلكترونى
2-الترشيحات: وسع قاعدة معارفك, احضر ندوات ومؤتمرات
85% من النجاح قائم على العلاقات
3-شركات التوظيف:
خلى بالك إن شركة التوظيف من الأساس بتتعامل مع الشركات يعنى بتقدملهم خدمة التوظيف فى مقابل من الشركة نفسها
لو لقيت بتلم فلوس على التقديم, اعرف انها يا نصباية يا شركة مقاولين أنفار
4-ملتقيات التوظيف
JOBMASTER أشهرهم

5-الجامعات

فيه أكتر من جامعة بتعمل ملتقى توظيف زى جامعة القاهرة, عين شمس

MSA, BUE, MIU, FUE, GUC 

6-مواقع الشركات نفسها

فيه شركات دلوقتى التقديم بقى عن طريق الموقع الخاص بيها مباشرة 

7-مواقع الشركات الناشئة ومساحات العمل المشتركة, ندوات ومسابقات ريادة الأعمال
ممكن تدور على شغل أو تدريب صيفى
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
انك تدور على شغل مش حاجة صعبة إنما محتاجة فن وخبرة من كتر ما هاتدور
حطلك هدف واسعى ناحيته لحد ما توصل
إياك توقف تتعلم

كيفية البحث عن فرص عمل في موقع بيت كوم

يعتبر البحث عن عمل فى اكبر مواقع التوظيف في الشرق الأوسط شئ مهم جدا ,, حيث انه يخدم كل من :

1- الشركات الباحثة عن عمالة وموظفين .

2 - الباحثين عن العمل .

بالنسبة لاصحاب الشركات وادارات الموارد البشرية تستخدم هذا الموقع للبحث عن التخصصات التي تريدها في حال احتياجاها لوظائف شاغرة بها وهذا يوفر الكثير من الوقت و المال المستنزف في الاعلان عن وظائف في المجلات والجرائد مع العلم انه الكثير من شركات السويس والعين السخنة والأدبية  تعلن على هذا الموقع مثل شركات:

 السويس للصلب  -  شركة جلاكسي للكيماويات  - الشركة المصرية الهندية للبولي استر - الشركة المصرية الصينية TEDA بالعين السخنة - Knauf RAK FZE 

اما بالنسب للباحثين عن العمل  توفر لهم خدمة بناء السيرة الذاتية مجاناً وخدمة رسائل البريد الإلكتروني لارسال كل ما هو جديد من وظائف في مجال العمل أو البلد التي يرغب الباحث عن العمل الحصول العمل فيها .

وأيضا للباحثين عن العمل خارج مصر فهناك الكثير من الشركات في العديد من الدول العربية مثل السعودية - الامارات - قطر - الكويت تعلن عن وظائف فى تخصصات مختلفة من مهندسين وكميائيين واداريين ومعلمين وعمال وفنيين وسائقين

ملحوظة : يجب اكمال السيرة الذاتية بنسبة لا تقل عن 75% حتى تكون فرصتك أفضل

شرح طريقة التسجيل

إضغط هنا لإنشاء السيرة الذاتية   

إضغط هنا لإنشاء السيرة الذاتية   

الاعلان الرسمي لمسابقة الأزهر الشريف 2014-2015 / منشور بتاريخ 12 يونيو 2014 التفاصيل كاملة

ــــــروط

أولا : اخصائي تدريس ( لغة إنجليزية – لغة فرنسية – لغة ألمانية ) .

خريجي كليات اللغات والترجمة تخصص ( إنجليزى - فرنساوى - ألمانى ).

خريجى كليات التربية تخصص ( إنجليزى – فرنساوى - ألمانى ).

خريجى الألسن تخصص ( إنجليزى – فرنساوى - ألمانى ).

ثانيا : أخصائى تدريس ( علوم ) .

بكالوريوس علوم تخصص فيزياء – كيمياء - أحياء .

بكالوريوس علوم وتربية تخصص فيزياء – كيمياء - أحياء .

ثالثا: أخصائي تدريس ( رياضيات ) .

بكالوريوس علوم تخصص رياضيات – بكالوريوس تربية تخصص رياضيات .

رابعا : أخصائي تدريس ( حاسب آلي ) .

بكالوريوس تربية جامعة الأزهر ( تخصص مكتبات ومعلومات وتكنولوجيا التعليم ) .

بكالوريوس التربية أو التربية النوعية ( تخصص حاسب آلى ) .

بكالوريوس التربية أو التربية النوعية تخصص ( تكنولوجيا التعليم - تكنولوجيا التعليم والتربية - تكنولوجيا التعليم التربوي )

بكالوريوس علوم تخصص ( حاسب آلى – رياضيات وحاسب آلى / أى شعبة من كلية العلوم تخصص تخصص فى الحاسب الآلى إلى جانب تخصص آخر ).

بكالوريوس حاسبات ومعلومات .

كلية الهندسة ( تخصص الحاسبات والنظم ) .

بكالوريوس نظم معلومات .

أى مؤهل عالى متخصص فى علوم الحاسب الآلى .

خامسا : واعــــــــظ

من خريجى جامعة الأزهر ( تخصص علوم شرعية وعربية ) .

سادسا : عمــــــــال

شهادة محو أمية – الشهادة الابتدائية – الشهادة الإعدادية .

على من يرغب التقدم لشغل إحدى هذه الوظائف إرسال طلب محدد فيه الوظيفة التى يرغب التقدم اليها والبيانات الآتية (( المؤهل الدراسى – الموقف من التجنيد ( أدى الخدمة – إعفاء نهائي – إعفاء مؤقت ) – بطاقة الرقم القومى )) على بوابة الازهر الإلكترونية

( www.onazhar.com)

الشــــروط العامــــة

اجتياز المقابلة الشخصية أو الاختبارات المقررة .

- بالنسبة لوظيفة أخصائي تدريس ( انجليزى – علوم – رياضيات – حاسب آلي) ووظيفة واعظ وكذلك

عمال الخدمات المعاونة، أن يكون المتقدم من أبناء المحافظة محل الإعلان أو مقيم بها إقامة دائمة قبل

الإعلان و يرجع في ذلك إلى بطاقة الرقم القومي

- بالنسبة لوظيفة أخصائي تدريس بمركز اللغات أن يكون المتقدم من محافظات القاهرة الكبرى

( القاهرة – الجيزة – القليوبية ) قبل الإعلان ويرجع في ذلك إلى بطاقة الرقم القومي.

- يتم ترتيب المتقدمين للوظائف المعلن عنها وفقا لأحكام الفقرة الأولي من المادة 18 من قانون 47 لسنة 1978 وتعديلاته وذلك بحسب الأسبقية الواردة بالترتيب النهائي لنتائج الامتحان .

- يتم استيفاء نسبة الـ 5 % من الوظائف المعلن عنها للمعاقين طبقا لكتاب دوري 1 لسنة 2009 .

- ترسل الطلبات خلال خمسة عشر يوما من نشر هذا الإعلان على بوابة الأزهر الالكترونية .

و لن يلتفت لأي طلبات ترد قبل أو بعد هذا الموعد أو عن طريق اليد أو البريد

- ألا يزيد سن المتقدم عن 40 سنة عند نشر هذا الإعلان.

- عدم السماح للعاملين أو المتعاقدين التقدم لشغل هذه الوظائف.

- على كل من تقدم أن يتابع بنفسه ميعاد و مكان المقابلة الشخصية من خلال بوابة الأزهر الالكترونية.

خلي فرصتك أفضل واجعل وظيفتك تجيلك لغاية عندك

كمل السي في بتاعتك وبلاش كسل 

على اكبر موقع توظيف في الشرق الأوسط 

أدخل وكمل السيرة الذاتية الخاص بيك

أوجد وظيفتك المثالية !

• اختر من بين 9,444 فرصة عمل.
• دع أصحاب العمل يجدونك.
• تلقى وظائف تناسبك عبر البريد الالكتروني.
• طريقة سهلة و مجانية %100!

  أنشئ سيرتك الذاتية  

مطلوب مدرسين من مختلف التخصصات وادارين بمدرسة الجهاد الخاصة

خلي فرصتك أفضل واجعل وظيفتك تجيلك لغاية عندك

كمل السي في بتاعتك وبلاش كسل 

على اكبر موقع توظيف في الشرق الأوسط 

أدخل وكمل السيرة الذاتية الخاص بيك

أوجد وظيفتك المثالية !

• اختر من بين 9,444 فرصة عمل.
• دع أصحاب العمل يجدونك.
• تلقى وظائف تناسبك عبر البريد الالكتروني.
• طريقة سهلة و مجانية %100!

  أنشئ سيرتك الذاتية